Blackpink-in record thar an siam

K-pop band Blackpink chuan an hla 'As If It’s Your Last' vangin record thar an siam. 

'As If It’s Your Last' hian an tihchhuah aṭanga kum 2, thla 11 leh ni 20 chhungin YouTube-ah thlirtu mak­taduai 800 chuang a nei a, K-pop artist zinga hla pali thlirtu mtd 800 chuang nei thei hmasa ber an ni.

Tunlai hmeichhe band zinga huhang ngah ber pawl Blackpink hian an hla 'As If It’s Your Last' hi June 22,2017 khan an tichhuak a, he hla hi nimin thleng khan YouTube-a thlirtu 80,25,54,154 an awm tling tawh. He hla bakah hian an hla dang, DDU-DU DDU-DU, BOOM­BAYAH leh Kill This Love-te chuan YouTube-ah thlirtu mtd 800 chuang an nei a, DDU-DU DDU-DU phei hi chu a hit zual a, thlirtu tluklehdingawn 1 chuang a nei.

Blackpink bakah hian K-pop artist zingah chuan PSY hla Gangnam Style leh Gentleman khan YouTube-ah thlirtu mtd 800 chuang an nei a, tunlai boy band lar ber pawl BTS hla DNA leh Boy With Luv chuan thlirtu mtd 800 chuang an nei bawk a ni. 

Blackpink video 18, YouTube-a dahte chuan thlirtu maktaduai 100 chuang an nei bawk.