Little Mix-in chawlh an la zuai dawn!

British pop group Little Mix chuan kum 10 lai an thawhho hnuah chawlh an la zuai dawn tih an sawi.

'Sweet Melody’ hitmaker – Leigh-Anne Pinnock, Jade Thirlwall, leh Perrie Edwards-te chuan nakkum nipuia tour an neih zawh hnuah an chawl rih dawn tih sawiin, chawlh hlen erawh an tum loh thu an sawi bawk.

Kum 2011-a The X-Factor winner Little Mix hi a tirah chuan member pali an ni a, mahse nikum khan an member Jesy Nelson chuan an group hi a chhuahsan a ni. Studio album paruk an tichhuak tawh a, nikum khan an album hnuhnung ber 'Confetti' chu an tichhuak leh a ni.