Gospel music news ; Casting Crowns-in hla thar tichhuak

Grammy award hial dawng tawh American Christian rock band Casting Crowns chuan Zirtawpni liam ta khan an album thara mi tur an title track 'Healer' an tichhuak.

Casting Crowns hla thar hi streaming platform hrang hrangah ngaihthlak turin a awm tawh a, YouTube lamah pawh official lyric video an dah tawh a ni.

Mac Powell leh CAIN-te nena KLOVE Christmas Tour nei mek Casting Crowns-te hian nakkum January 14 hian an studio album 12-na tur 'Healer' an tichhuak dawn a, Zirtawpni khan he album-a title track 'Healer' chu ngaihthlak theihin an chhawp chhuak a ni. An album thar tura hla awm turte hi an la puangzar lo thung a, chutih rual chuan tunhnaia an hla tihchhuah thar pahnih 'Scars in Heaven' leh 'The Power of the Cross' te chu an album tharah hian an dah ngei a rinawm.

Kum 1999-a indin Casting Crowns-te hian record maktaduai 10 chuang lai an hralh tawh a, American Music Awards pali lai dawng tawhin Billboard Music Awards pawh pahnih an dawng tawh. Dove Awards phei chu 16 lai an dawng tawh a, an album hit 'Lifesong' kha Grammy-ah 'Best Pop/Contemporary

Gospel Album' an dawnpui tawh bawk.

Casting Crowns hi Christian band zinga album pahnih platinum-a an puan ran ber dawttu an ni a, Jars of Clay tih lohah platinum-a puan album pahnih nei rang ber a ni.