Felfeli Ralte music video thar ‘Lalpa’n a pui ang che’

Felfeli Ralte music video thar ‘Lal­pa’n a pui ang che’ tih chu tun aṭang­a hun reiloteah thlir theih a ni dawn ta.

He hla hi sap hla ‘He’ll do it again’ tih aṭanga lehlin a ni. Audio hi Naashvic Tracks and Records siamsak niin, video hi Zonet Ṭhazual chart lama a kut chhuak kan hmuh fo ṭhin Rp Video Production kutchhuak a ni thung.

Felfeli Ralte hi kum 2012-a HPC Singing Competition, Lunglei-a neihah khan pahnihna niin, Mizoram pum huap zaia intihsiakna Praise On-ah top 10-a inhlangkai bawk.

Felfeli hi zirlai a nih avangin zai lamah a duh angin a inhmang tam thei lo a, a hun tam zawk chu Mizoram pawn lamah a hmang a ni. Hetih chung hian music video pali a tih chhuahna tur a ni ta a, kum naupangte ni chungin hnuhma a nei ṭha hle. A music video hmasa pathum te pawh hian thlir an hlawh hle a, a zai nung tak hian a zai ngaihthlak a ti nuam hle.

Tun ṭuma a music video hi MDM library-ah dah luh niin, Zonet local channel-ah tih chhuah a ni ang.