Lalrinhlui Tlumang hla thar 'I Ropui nan'

'A hmangaihna fakin i zai ang' tih hla thiam taka satu Lalrinhlui Tlumang chuan hla thar a neih leh tak thu hriat hi a zai ngainatu tan chuan chanchin lawmawm tak a ni ngei ang. 'I ropui nan' tih hla chu a peih fel leh ta.

Mizo Idol aṭanga mipuiin kan hmel hriat Rinhlui Tlumang hian music video pali a lo tichhuak tawh a, tuna ṭuma mi pawh hi ngaihthlak man hla tur tak a ni. Tunah hian buaipui lai pawh a nei a, an zo fel ṭep tawh.

'I ropui nan' tih hla hi Lelte Award 2018 dawngtu PL Eng­mawia, Sateek hla phuah niin, a thu pawh a ṭha hle. PL-a hian hla thar dang pathum tih chhuah mai tur a nei bawk. Music hi Hmuntea Fishtail siam niin, recording hi Aichhung Recording kutchhuak a ni.

Lalrinhlui Tlumang hi kum 2015 khan Mizo Idol-ah telin, top 10-ah a inhlangkai a ni.