Grammy Award semnaah Billie Eilish a perform dawn

Nikum lama music award semna hrang hranga cheṭha tak, Billie Eilish chu kumin Grammy Award semnaah a perform dawn.

Grammy Award semnaa perform tur ṭhenkhat hi Nilaini khan tarlan a ni a, Billie Eilish bakah hian Lizzo, Blake Shelton leh Gwen Stefani-te pawh an perform dawn tih a chiang. Aerosmith-an inlan dawn tih a chiang tawh bawk.

Billie leh Lizzo hi Grammy-a an vawi khat perform-na tur a ni dawn a, Blake Shelton leh Gwen Stefani hi an perform dun dawn nia tarlan a ni bawk a; an perform dun vawi khatna tur a ni ang.

Award dawng thei tur nomination list hi nikum November khan tihchhuah a ni daih tawh a ni. Kumin Grammy Award sem tur hi a vawi 62-na a ni tawh dawn a, January 26 hian  Staples Center, Los Angeles-ah an sem ang.