MDM artist-te'n Library Day hmang

July 13, Zirtawpni kha Music Domain Mizoram (MDM) Library Day a ni a, he ni denchhen hian MDM office-ah hun hman a ni.

He hunah hian MDM artist leh rimawi lama tui mi eng emaw zat an fuankhawm a, MDM Library hmasawn zel dan tur an sawiho a ni.

MDM hian kumtin an Library Day pual hian hun an hmang ṭhin a, kuminah pawh a lawmna hi neih leh a ni. MDM hnuaia artist te chuan an library hi ṭangkai takin an lo hmang tawh ṭhin a, hlawkna tam tak an lo tel tawh a ni.

MDM artist te kamchhuak

Feli Fanai: MDM Library a din aṭang hian hlawkna tamtak ka tel tawh a, theihtawp chhuaha music video kan siam ve te a tihlu zual hle a ni. MDM Library kaltlang hian sum leh pai lamah pawh hlawkna enge maw zat ka tel tawh a, hetianga kalphung mumal tak leh ṭha tak zaimite tana din a ni hi a lawmawm hle a ni. MDM YouTube channel aṭang leh thla tina royalty sem chhuah ṭhin aṭangin zaithiam ten hlawkna kan tel bawk a ni. MDM vul zel rawhse.

Sawmtea Chhangte: MDM Library lo ding hi a ṭhatpui ber te zinga mi ka ni. MDM Library kaltlang hian rim taka video kan sual chhuah aṭangin hlawkna kan tel a, hetianga kalphung ṭha hi zaimite tan chuan a hlu tak zet a ni. MDM Library zarah hian kan video ten kawng dik an zawh mek a, sum leh paiah nise a neitu dik tak zaimite kuta sum a lut hi a lawmawm hle a ni.

Dj Lalvenhimi: MDM Library lo awm hian zaimi te tan hamṭhatna leh inpumkhatna a siam a, hlawkna tam tak kan tel tawh a ni. Sum tam tak senga music video kan siam aṭangin hlawkna kan hmu let tawh a, tun hma te ngaihtuah phei chuan MDM Library lo ding hi a hlu leh zual a ni.

Amtea: MDM a awm aṭang hian artist-te'n inelna thianghlim kan neih phah a, music video-in hma a sawn phah a ni. Music genre lamah kan hausa telh telh bawk. MDM Library dintuten fak an phu a, zaimi te tan kawng thui tak an sial a ni. A hmaa insengsoa zai ṭhin khan tunah chuan hlawkna kan tel tawh zawk a, Mizo music industry pawhin hma a sawn phah nasa hle a ni.

Zorinzuali Khiangte: MDM Library-ah hla ka la dah tam lo chung hian hlawkna tam tak ka hmu tawh a, hetianga zaimi te tana library ṭha tak a awm hi ṭha ka ti takzet a ni. He tianga kalphung ṭha ka hmuh hian keimah pawh phurna nasa tak min siam sak a, library-a ka hla dah te chu MDM YouTube channel leh royalty atangin hlawkna ka tel tawh a, thawhrim man a awm ka ti takzet.

Bethsy Lalrinsangi: MDM Library kalphung ṭha tak mai hian phurna leh chona nasa tak min siam sak a, rawngbawlna kawngah pawh nise zau zawkin ka hla te min thehdarh sak a ni. Rim taka kan thawh kan video siamte aṭangin hlawkna tamtak kan hmu a, zaimite tan a hlu tak zet a ni.

Manuna: MDM Library alo awm aṭang hian zaithiam ten hma kan sawn nasa em em a, tun hmaa a thlawna zai ṭhin khan hlawkna kan tel let ta hi a ropui ka ti.

Pensy: MDM Library hian ka zai kawngah hian hlawkna leh malsawmna tamtak min pe a, tun hmaa kan la hriat ngai loh hlawkna leh hamṭhatna tam tak min pe a ni. Theihtawp chhuaha kan video siam ten rah duhawm an chhuah mek a, hetianga Mizo zaimite tana rotling Library ṭha tak a lo piang hi a lawmawm tak zet a ni.

Kimkima: MDM Library hi zaimi te tan chuan a hlu tak zet a, kan hla min vawnhimsaktu an ni. Hlawkna tam tak ka tel tawh a, MDM-in min hmangaihna leh duhsakna hi a hlu ka ti tak zet a ni.

Cindy: MDM Library hi zai mi tan chuan ṭha ka ti a, mumal leh awmze neia kalpui a nih bakah, hamṭhatna leh hlawkna pawh tam tak awmin ka hria. Chhunzawm zel pawh ṭha ka ti.

Hlimlimi: MDM Library kaltlang hian zaimi ten hlawkna tam tak an lo tel tawh a, chung zingah chuan kei ngei pawhin ka tel. MDM library hian kan hla te min humhalh sak bakah, Zonet Cable TV nen ṭangkawpin tun hma aia ṭha zawk leh thleng thui zawk turin min chhuahsak a ni. MDM vul zel rawh se.