Limp Bizkit bassist-in thin natna vangin band a chhuahsan

Limp Bizkit bassist Sam Rivers chuan rock writer Jon Wiederhorn lehkhabu tihchhuah thar Raising Hell (Backstage Tales From the Lives of Metal Legends)-ah kum 2015-a an band a chhuahsan chhan a sawichhuak.

Sam Rivers chuan, "Zu ka in nasat avangin thin natna ka nei a ni," tiin band a chhuahsan chhan Wiederhorn-a lehkhabuah hian a sawichhuak a ni.

Kum nga kal taah khan Rivers hian 'degenerative disc disease' vangin Limp Bizkit a chhuahsan nia sawi a ni a, mahse Raising Hell-ah hian band a chhuahsan chhan chu a sawichiang a, a thin chu enkawl a nih thu a sawi bawk a ni. "Kum 2015 khan ka ṭhat loh em avangin Limp Bizkit ka chhuahsan a ngai a, thla tam vak lo liam hnuah phei chuan thin natna ṭha lo tak ka neih avangin engkim ka thlak danglam a ngai ta tih ka hrechhuak a ni," a ti.     

"Zu ka nghei a, doctor-in ti tura min tih zawng zawng ka ti bawk a. Zu vang chuan nasa taka enkawl ka ni a, ka thin hlawhtling takin ka thlak bawk a ni," tiin zu a nghei thu leh a thin thlak a nih thu a sawichhuak bawk a ni.