Hontrade International Ṭhazual Fakna ; Amtea 'Adonai' A Ropui Ber

Amtea Chakchhuak chuan a hla thar 'Adonai Ropui Ber' tih hmangin Hontrade International Ṭhazual Fakna chart-ah dinhmun sang ber a luah.

'Adonai Ropui Ber' hi kumina Amtea music video hmasa ber niin, June thla khan tihchhuah a ni. 'Adonai' tih hi 'Ropui Ber' tihna niin, Portuguese hla a/anga lehlin a ni. Amtea hian hla eng emaw zat a lo letling tawh a, tuna mi pawh hi ama lehlin bawk a ni.

Ṭhazual Fakna chart-ah hian a che ṭha hle a, dinhmun sang ber luah turin hun a mamawh tam lo hle. Tun ṭumah hian chart hmasa lama No.1 hauhtu Ruthi CVL Muanpuii chu a khum a ni.

Ruthi CVL Muanpuii hian 'Chenchilhtu Thlarau Thianghlim' tih hla hmangin pakhatna a lo hauh tawh a, tun ṭumah hian pahnihna a ni. He hla hi Sanglianthanga phuah niin, Penticost Sunday puala a tichhuah kha a ni.

Chart hmasa lama pa­hnihna Alabasta chu pathumnaah an tla thla a, Mawitei Ralte chuan 'Nghilhni I awm lo' tih hla hmangin a dawt. R. Lalruatfeli (Mapuii) pawh 'Ka nun hnar kaitu' tih hla hmangin top 5-ah a lang leh bawk.

Thawhlehnaniropuiachuan hma sawn hretin parukna a hauh a, a hnuiah hian Miriam Lalnundiki a awm. Tun hnaia Salvation Army Officer ni tura training zawm Judith Lalremruati chu top 10-ah a lang a, Govt. Complex KTP Female Voice leh Seraphic Choir te an lang ve bawk.