FIFA World Cup Closing Ceremony

'Greatest Show On Earth' hmar­bawkna chu Pathianni zan khan neih a ni a, inkhelh ṭan hmaa closing ceremony-ah Hollywood actor leh singer ni bawk Will Smith a langsar hle.

Luzhniki stadium, Moscow-ah mipui 80,000 zel zet an pungkhawm a, chung mite mit fukna pakhat chu Will Smith, Nicky Jam leh Era Istrefi te che tla a ni. Khawvel ennawm ropui ber kharnaah hian World Cup official song 'Live It Up' chu an sa a, mipui thawm a ṭha hle.

Nicky Jam leh Era Istrefi te chuan bul an rawn ṭan a, a hnuah Will Smith a rawn penchhuak bawk. Stadium chhunga football fans rual pungkhawm te chu an so but but mai a ni. Minute 10 vel an perform chhung hian ennawm chi hrang hrang tihlan a ni bawk.

Closing ceremony-ah hian Brazilian footballer lar Ronaldinho pawh a inlan a, Russian folk song 'Kalinka' play laiin, bongo drums a lo beng a ni. American DJ Diplo, The Picard Brothers leh Free School te chuan rimawi hmangin kal khawmte hi an awi a ni.