Mi vannei ber zinga mi ka ni - Tim Tebow

'Modern Josefa' ti hiala an sawi ṭhin American baseball star Tim Tebow chuan chanchin thar a nei leh ta a, a vanneih zia ama sawi ngei a ni. Tim Tebow chuan Miss Universe Demi-Leigh Nel-Peters a tawn avangin mi vannei ber te zinga mi a nih thu a sawi.

Football aṭanga baseball lama inlet Tim Tebow leh Miss Universe 2017 Demi te hi an in 'date' tih thawm a awm a, anni lam pawhin an pha lo. Tim Tebow chuan hemi chuangchang hi sawiin, "Ka vannei takzet a ni. Ka tan a hlu em em a, midang lam bik a ni" tiin, South African mode chungchang a sawi.

Kum 30 mi Tim Tebow hi Kristian ṭha tak niin, an inkhelh dawna an hmai an cheiran ṭhinah pawh Bible châng ngat tarlang ṭhin a ni. Miss Universe Olivia Culpo meuh pawhina a thlêm thluk theih loh, inneih hmaa sex hman tum lo bur a ni. Olivia Culpo nen hian kum 2015 khan an inṭhen a, Demi-Leigh Nel-Peters nen hian an inzui leh mek a ni.