Taylor Swift concert-a intawng an inhual!

Taylor Swift chuan Reputation Stadium Tour a neih chu a chhunzawm leh tawh a, Zirtawpni zan khan Philadelphia-ah concert a nei. He hunah hian kum nga kal taa 'Red Tour' a neih ṭuma intawng te chu an inhual mauh mai.

Philadelphia-ah hian Swift fans mi eng emaw zat an pungkhawm a, chung zingah chuan a album 'Red' tih lar nana tour a neih ṭuma intawng mi pahnih an awm ve tih tuman an hre lo. Concert chhim tura kalte beisei loh thil a thleng ta a, Swift hmaah ngei hian ṭhing ṭhiin inhuana zungbun an inbuntir ta a ni.

Taylor Swift pawh a hawi hai hle a, a thil hmuh leh hriat hian a barakhaih hle a ni. Swift chuan, "Ka kingah lo kalin, inhual an duh thu min hrilh a, ka hrilhhai hle mai," tiin a thil tawn hi a tarlang a, a lawmpui thu a sawi bawk.

Philadelphia concert-a inhual te hi an nihna tarlan a ni lo a, he thil thleng hi social media lamah chuan a darh nasa viau thung.