PUC Evangelical Union band Reunion music video a chhuak ta

Kum 2009-2012 chhunga Pachhunga University Col­lege-a lut ṭhin, Evangelical Union, Class of 2009-2012 te chuan college an chhuahsan aṭanga kum eng emaw zat hnuah music video 'Rinin ka thlir ṭhin' tih chu en theihin an peih fel ta.

PUC-ah hian EU te hian campus-ah Pathian rawng­bawlna an kalpui ṭhin a, music hi an rawngbawlna pawi­mawh tâk pakhat a ni ṭhin. Band te dinin college func­tion hrang hrangah an lo zai tawh ṭhin a ni. Kum 2009-a PUC beat contest-a pakhatna lo ni tawh 'His Majesty' leh 2010-a EU band 'NotwiG' te chuan tun ṭumanah hian music video hi an siam a ni.

'Rinin ka thlir ṭhin' tih hi sap hla aṭanga lehlin niin, Mizo zaithiam lar - Feli Thang­luah, David Vanlalpeka leh C. Lallianpuii te chuan an sa a ni. Music hi Kings and Prophets-ah live-a record niin, video hi In-House Production kutchhuak a ni thung.