Marina-i'n a album hming put chhan hla peih fel

Mizo Idol aṭanga hriat hlawh chho Marina Vanhriatpuii Varte chuan a album hming put chhan 'All In' tih hla chu music video in a siam a, tihchhuah mai turin peihfel a ni tawh.

Marina-i hian kumin March thla khan 'All In' album hi a lo tlangzarh tawh a, hla pakua a awm a ni. Album hming put chan ber 'All In' hi music video siamin a peih fel tawh a, Zonet local chennel lamah pekchhuah thuai ani ang. Music video hi MDM library-ah dahluh a ni tawh a, YouTube lamah pawh en tur a awm thuai dawn.

Kum 2007 Mizo Idol-a top 10 thleng phak Marina-i hi zai lamah a insawr bing leh mek a, hla thar pawh a tichhuak nual tawh. A album-ah hian folk song pali a tel a, chung zingah chuan - Laldanga zai, German ral lian te pawh a tel a ni.