Brad Pitt-a'n Angelina Jolie a tlawh lai an hmu

Hollywood-ah chuan innei leh inṭhen lar ber zinga mi an ni ngei ang, mahse an inṭhen hnuah Brad Pitt hian Angleina Jolie hi a la tlawh leh miah lo. Mahse kar liam ta Thawhlehni khan Brad Pitt hian a nupui hlui Los Feliz Mansion a chhuahsan lai thlalak an lo la fuh tlat.

Kar hmasa Thawhlehnia Jolie a tlawh hi kum 2016-a an inṭhen hnua a tlawh leh vawi khat an hmuhna chauh a ni a, a motorcycle-in Angelina in $maktaduai 24 mai lai a chhuahsan lai thla hi an lo la fuh a ni. Thlalak tarlangtu Daily Mail chuan Academy Award hial lo dawng tawhtu Brad Pitt hi Jolie chenna inah hian darkar hnih lai a cham niin an sawi. Hemi a nih avang hian khawtlang lam media, milarte umzui reng renga hun hmang ho titi tui ber a ni chho leh nghal der tawh. Brad leh Angelina-te hi an lawyer tel loa an inhmuh hi sawi tur a awm tawh meuh lo a, hemi vang hian tunhnaia Brad Pitt-a'n a nupui hlui a tlawh hi an ngaihven zual hle.

Anni nupa hi an fate paruk chungchangah an inrem hleithei lo a, mahse tunhnai lawk khan an fate chungchangah hian inremna an siam tawh nia sawi thawm a awm. An fa phir Knox leh Vivienne-te kum 12 tlin a hnai a, hemi vang hian eng emaw ruahmanna an siam pawh a ni mahna le, khawthlang lam media-te'n an ngaihven bawk a, chanchin kan la hrechiang thuai turah ngai ang.