Red Hot Chili Peppers-in Album thar an buaipui
December thla khan an guitarist neih tawh zinga an lungdumtu ber John Frusciante a lo kir tawh bawk a, rock band chuai thei lo Red Hot Chili Peppers chuan album thar an buaipui leh ṭan ta.
Rolling stone-in a interview-naah RHCP drummer Chad Smith chuan album thar an buaipui chungchang hi a sawichhuak a ni.
"He interview-na atan hian thupek khauh tak pek ka ni: 'BAND CHUNGCHANG SAWI LO TURIN," tia sawiin, "Band-ah John a lo kir a, festival-te hi show kan inlanna tura book awmsa chu a nimai. Tun dinhmunah chuan hla thar leh record thar ziahah kan inthlurbing a ni. Music thar siam turin kan phur tawh hle," tiin album thar an buaipui chungchang hi a sawi.
Frusciante ho hian music thar an buaipui tih chu a chiang a, mahse chubak chu thuchiang dang engmah a la awm lo thung.
John Frusciante hian 1988 khan RHCP hi a zawm a, an original guitarist a thih hnuah a zawm a ni. 1992 khan a chhuahsan a, 1998-ah zawm lehin 2009 khan a chhuahsan leh a, nikum December thla khan a zawm leh a ni.