Drake-a'n 2022 Grammy Nomination a hnawl!

Candian rapper Drake chuan nakkuma sem tur Grammy Awards-a nomination a hmuh chu a hnawl a, a inhnukdawk!

Recording Academy lam pawhin hemi chungchang hi tichiang tawhin Drake-a management lam chuan Recording Academy hnenah hian nominee a nihnate chu hnukdawk turin an ngen nia tarlan niin, a inhnuhdawh chhan erawh chiang taka tarlan a la ni lo thung.

Drake hi category pahnih- best rap album leh best rap performance-ahte nominee a ni a, Grammy award pali dawng tawhin nakkum lamah erawh Grammy-ah inlan a tum tawh lo a ni.

'God's Plan' hitmaker hian a hmain Grammy hi a lo sawisel fo tawh a, rap huang chhungah lo award a dawn ngai loh avangin a lungnih lohnate pawh a lo sawi chhuak tawh a ni. Nikuma The Weeknd-in nomination a hmuh loh ṭum pawh khan Instagram lamah na takin Grammy hi a lo kap tawh bawk.