Mizo Film thar 'Nutei Thingpui dawr' Zaninah tlangzarh a ni dawn

Mizo Psychological thriller film thar 'Nutei Thingpui dawr' chu zanin hian Vanapa Hall-ah 'premiere' a ni dawn.

A trailer aṭang ringawt pawha en chakawm tawh tak 'Nutei Thingpui dawr' hi Runmawi apps lamah man tlemte chawiin December 10, Zirtawpni zan dar 8 aṭangin a en theih dawn a, zanin hian sawm bikte en theih turin Vanapa Hall lamah pek chhuah hmasak a ni dawn a, Lallianpuii, I&PR Director chuan a tlangzarh dawn a ni.

He film hi Aarom Mal-sawmdawngzuala chuan a script a ziak a, producer leh director chu Mike niin Miss Mizoram aṭanga kan hmelhriat, 'Bangla No.9' aṭanga a lemchan thiamzia kan hriat tawh Zuali Chhangte hmel pawh kan hmu leh dawn bawk.