Chrissy Teigen-i'n model nih a duh lo!

Hmel leh pian zia­in a zir em tih pawh ngaihtuah lek loa 'mo­del' emaw inti tlat an awm laiin, mi ṭhen­khat chuan model nih an lo chak hauh lo mai. Chrissy Teigen hi mi tam tak chuan model tiin an sawi ṭhin a, mahse amah chuan model tia sawi hi a duh hauh lo mai.

American star Chris­sy Teigen chuan, "Miin ka chan­chin an sawi hian model tih ṭawngkam an hmang ṭhin a, awm pawh a awm viau mai. Mahse kei chuan ka inpawm lo a, model tia sawi pawh ka duh lo" tiin a sawi. American Sports Illustrated magazine-ah pawh lo lang ve zak zak tawh Chrissy hi tun hnai khan Bustle magazine chuan an kawm a, he thu hi a sawi chhuak a ni. Eng tianga hriat leh sawi che nge i duh? tia an zawhna chu,"Ka hre mai rih lo" tiin a chhang bawk.

Kum 32 mi Chrissy Teigen hi kum 2013 khan John Legend nen an innei a, fa pahnih an nei tawh a ni.