Grammy Award sem hun a hriat ta

Music lama chawimawina sang leh ngaihlut hlawh Grammy Award vawi 61-na chu nakkum February 10 khian Staples Center, Los Angeles-ah sem a ni leh dawn. Recording Academy chuan Thawhlehni khan award sem hun tur leh semna hmun tur hi an puang a ni.

Grammy Award 2019-ah hian category 84 zet a awm dawn a, music kaihnawih chu a huam kim dawn hle. Category 70-ah award sem hmain nomination puan a ni anga a bak chu a hmunah puan a ni ang.

Grammy Award 2018 chu January 28 khan New York khawpuiah sem a lo ni tawh a, top artist - Bruno Mars, Cardi B, Luis Fonsi, Daddy Yankee leh Kesha te an langsar hle a ni. Recording Academy chuan chuan May 4, 1959 khan Grammy Award hi a vawi khat nan an sem chhuak a, kumtin sem ṭhin niin, ngaihlut a hlawh hle a ni.