Facebook-in information dik lo paih zel dawn

Facebook chuan tharum thawhna thlen thei information dik lo thehdar ṭhin chu paih zel an tum thu an tarlang.

Facebook chuan tun hnaiah khavel hmun hrang hrangah thu dik tawk lo vawrh darh avangin tharum thawhna leh inrik rapna thleng fo tih sawiin, hemi veng tur hian hma an lak mek thu an tarlang. Chi leh chi inthliarna te, vun rawng avanga buaina chhuak leh tharum thawhna thleng ṭhin te chu an ngaihmawh thu an tarlang.

India ramah pawh social media-a thu dik lo thehdarh avanga intual vuakna leh nunna hial chan an awm fo a, sorkar laipui pawhin hemi tireh tur hian hma a la mek. Heng thil hi company lam pawhin hriain Facebook kaltlanga thudik tawk lo thehdarh te chu paih zel an tum thu an sawi.

Facebook hian tun hnaiah hminghliauna hrang hrang an nei a, company lam pawh an fimkhur sawt hle. Facebook CEO Mark Zuckerberg pawhin an chunga mawhphurhna tla te an pawm thu sawiin, theih tawp chhuaha hma an lak thu a lo sawi tawh a ni.