Miley Cyrus leh Liam Hemsworth an inṭhen

Miley Cyrus leh Liam Hemsworth te chu tun hnai khan an inṭhen niin khawthlang media te chuan an tarlang.

Liam leh Miley te hi kumin kum tir lam khan a rukin Australia lamah an inkutsuih nia tarlan a ni a, an inṭhen thu a thang leh ta. An innei nia thu a than aṭanga thla tam a vei hmain a inṭhen thawm a ri leh ta a, an chanchin hian ngaihven a hlawh hle. Hemi chungchangah hian an mahni lam chuan thu chiang an la tarlang lo thung.

Anni pahnih hi kum kum 2009 khan an intawng a, kum 2012 khan an inhual zui. An inhual hnu hian hun eng emaw chen an inṭhen a, 'ni' 'ni lo' tih vel a tam hle. An inzui pangngai leh hnuah an inhual ṭha leh nia sawi a ni a, kumin February thla khan Australia lamah an inkutsuih niin an tarlang. An chanchin thar berah erawh an inṭhen thu kan hre leh ta a ni.