Chengrang leh Ngenmu Episode finale a chhuak ta

Mizorama entrepreneurship reality show hmasa ber, Tharthilthlentu (TiLi) leh Zonet Cable TV buatsaih, Chengrang leh Ngenmu Season 1 Episode hnuhnung ber chu Zonet TV leh YouTube channelah chhuah a ni ta.

Chengrang leh Ngenmu Season 1 Episode hnuhnung berah hian Investor pathum ṭhuin start-up panga an inlan a, thawhhona cheng tam tak man hu chi hrang hrang an siam.

Vanlalfela, MF Enterprise leh Lalthai Fanai, proprietor, F. Kapsanga Enterprise-te chuan partnership (marketing & distribution)-in inremna an siam a; Lalvenpuii, Elvie Unique Craftshop chu Lalrinenga Sailo,private investor (AMC Mayor) leh Lathai Fanai-te'n business advisory offer-in an thawhpui dawn.

K. Lalmuanpuii, Lenbuang leh Dr. Franklin Lalrinngheta,owner, Abigail The Home Store leh Mana Motors-te chuan Rs 5 - 10 lakhs for 10% share-in inremna an siam bawk. Vanlalhmingliana Fanai, Darbu chu Dr. Franklin Lalrinngheta leh Lalrinenga Sailo ten mentorship + Rs 5 lakhs for 40% share-in an thawhpui ang.

R. Zoramsangi, Greggy Eco leh Lalrinenga Sailo chu loan Rs. 1.5 lakhs @ 5% interest + 2% royalty-in thawhhona thuthlung an ziak bawk.

Chengrang leh Ngenmu sponsor-te hi NEIDA (North East Initiative Development Agency), MEDMOC (Mizoram State Entrepreneurship Development Monitoring Committee), MOM (Mission Organic Mizoram), SIRD&PR (State Institute of Rural Development & Panchayati Raj) leh Angel Business Promoters of Mizoram-te an ni.

Episode Finale hi Season 1-a episode 4-na niin nakkum lamah Season 2 buatsaih leh tum a ni. Start-up tel duh tan Instagram @Tharthilthlentu-ah belhchian theih a ni.

Tharthilthlentu – Entrepreneurship & MSME Support hi Mizorama entre-preneurship leh MSME tihhmasawnna atana society (NGO) din a ni a, office hi TiLi Center, 2nd Floor JL Building, Mission Vengah an nei.