Alicia Keys album thar

'If I Ain't Got You' hitmaker Alicia Keys chuan nimin khan a studio album pariatna 'KEYS' a tlangzarh.

'Keys' hi a style a dangdai hle a, side A leh B awmin side A lamah hian a hla original version, 'laidback piano vibes' ho a dah a, side B lamah erawh 'upbeat, drums, level up vibe' lam ho a dah thung a ni.

Alicia Keys hian an ram huna zanlaiah tak a album thar hi stream theih tura chhawp chhuakin a hmaa a track tihchhuah tawh Swae Lee a thawhpuina 'Lala' leh 'Best of Me'-te pawh kha a album tharah hian a dah.

R&B star hian nikum khan album 'Alicia' tih chu tichhuak tawhin a hmingchawi thoin Zirtawpni khan 'Keys' chu a tichhuak leh a, kum 40 lai ni ve tawh Alicia Keys hian a album tharah side A lamah chuan hla 14 a dah a, side B lamah chuan 12 a dah thung.