Kylie Minogue pawh studio lamah hmuh tur a awm leh ta

'I Should Be So Lucky' hitmaker Kylie Minogue chuan studio lam a luhcilh leh tawh a, album thar tur a buaipui leh mek tawh niin an sawi.

Kylie Minogue hian kar hmasa lam aṭang khan London lama studio-ah hun a hmang a hmang leh tawh niin khawtlang lam media-te chuan an sawi a, The Sun chanchinbu Bizarre column-a an ziah dan chuan 'Love At First Sight' leh 'In Your Eyes'-a a thawhpui tawh hla phuah thiam Biff Stannard nen an thawkdun a ni.

Minogue hian kum 2020-a a album tihchhuah 'Disco' kha 'Extended Remixes' edition a tichhuak dawn nia sawi ni bawkin, chumi chhunzawmna tur album chu tunah hian a buaipui ṭan leh mek tawh niin an sawi.

Kum 53 lai ni ve tawh Kylie Minogue studio album 15 lai a tichhuak tawh a ni.