Justin leh Hailey ten tih ropui vak an tum lo!

Justin Bieber leh Hailey Baldwin te chuan chanchin thar an nei leh ta a, an inneih hunah tih ropui vak an tum lo niin an tarlang. Hetih lai hian an inneih hun tur erawh hriat a la ni lo a, an inrin siak vel mek.

Canadian pop star Justin Bieber leh American model Hailey Baldwin hi July 9 khan an inhual a, an ṭhian hnaite bulah chuan inneih chungchang pawh an sawi ri zauh zauh tawh a ni awm e. Entertainment Tonight chuan an chhungkhat laina hnai zual leh an ṭhian-ṭha te sawmin inkutsuih an duh a, sawm bik mi tlemte nena hlim taka hun hman an duh niin, an tarlang. Canada lamah nge US-ah an inneih dawn pawh a la chiang lo a, mahse Justin Bieber hian a chawrchhuahna hmunah ngei a hun ropui ber hman a duh niin an sawi bawk.

Kum 24 mi Bieber leh Hailey (21) te hi ualau taka an inzuina a la rei lo a, tunah chuan inhual mai duh tawk loin inneih an sawi ri ta hial a ni.