Bollywood film ropui zingah - Sanju

June thla maia tlangzarh kha a ni a, mahse tunah chuan Bollywood film chhuak tawh zinga ropui ber ber te zingah chhiar tel a ni der tawh. Ranbir Kapoor channa Sanju hian khawvel hmun hrang hrang aṭangin vaibelchhe 500 vel zet a lalut tawh niin an tarlang.

Bollywood star Ranbir Kapoor leh Sonam Kapoor te channa Sanju hi June 29 khan tlangzarh a ni a, India aṭang ringawt pawhin vaibelchhe 350 chuang zet a lalut tawh. Khawvel hmun hrang hrang aṭanga a lakluh te nen chuan vaibel­chhe 500 a chuang tawh a, Salman Khan leh Jacqueline Fer­nandez te channa 'Race 3' pawh sum lakluh tam lamah a khum tawh a ni.

Hei mai hi a ni lo a, North America Box Office aṭang pawhin $mtd 2 lalutin top 10-ah a lang phak a ni.

Sanju hi Indian film director lar Rajkumar Hirani kutchhuak a ni a, tunlai Bollywood film lar leh ngaihven hlawh ber a ni mek.