Taylor Swift-i'n Studio a luhchilh leh tawh

'Reputation' tour a neih kar lakah Taylor Swift chuan recording studio a luhchilh leh tawh a, hla thar a tichhuak hnai niin an tarlang.

Swift hian nikum No­vember thla khan album a tlangzarh a, May thla a ṭang khan tour a nei zui bawk. Khawpui hrang hrangah a concert a, a kalna lam apiangah thawm a nei lian hle.

Hetianga a buai chung hian hla a record niin an sawi a, Ningani khan New York khawpuia Elec­­tric Lady Studio a chhuahsan lai an hmu fuh. Hemi chungchangah hian 'Look What You Made Me Do' singer hian thuchhuah a la siam lo thung a, fan ten hla thar an beisei hi a hawh­tling dawn em hriat a ni lo.

Swift hian Philadel­phia-a concert a neih zawh hnuah Cleveland a pan leh tawh a, MetLife stadium, East Rutherford-ah show a neih zui dawn a ni.