PYD-in thisen pe ṭha chawimawina nei

Mizoram UPC kohhran ṭhalai pawl, General Pentecostal Youth Department hnuaia Social Wing Committee chuan Inrinni kha thisen pe ṭha bial leh tualchhung chawimawina leh PYD zinga mi bikte chawimawina hun an hmang.

GPYD Social Wing Committee-te hian PYD Day denchhenin March 4, 2021 khan Civil Hospital, Aizawl leh district khawpui dangah thisen pek runpui an nei a, November 27 leh December 4 khan an pe leh bawk.

Thisen pek runpui an buatsaih vawi thumah hian unit 635 an pe a, henga thisen pe ṭha tualchhung leh bial PYD-te chu thisen pe ṭha chawimawina an hlan a ni.

Mizoram UPC general headquarters conference hall-a hun hmanah hian PYD member, eizawnna leh zirnaa ti ṭha zualte chawimawina hun hman a ni bawk. He hun hi GPYD president Vanneia Pudaite chuan hmanpuiin PYD-te chu kawng tinrenga mite entawn tura inbuatsaih tur leh, mahni intodelh tura hma la zel turin a chah.

Thisen pe ṭha (Bial)
Pakhatna Bazar Bial
Pahnihna Chaltlang Bial
Pathumna Sairang Bial

Thisen pe ṭha (Tualchhung)
Pakhatna Chungtlang
Pahnihna Bazar
Pathumna Govt. Complex