'The Editor' lehkhabu tlangzarh

VL Ringa Sailo puala lehkhabu buatsaih, 'The Editor' tih chu tun hnai khan VL Ringa in, Zotlangah a fanu Sawmtei'n a tlangzarh.

VL Ringa ṭhiante'n an ṭhianpa hriatrengna atana lehkhabu an buatsaihah hian mi hrang hrangin thu an ziak a - Vanneihtluanga, Hmingsanga, C Lalhmingmawia (Musa), Lalzuahliana, Sangzuala Pachuau, PL Liandinga, Lalchamliana (Home Minister), K Sapdanga, Lalrinmawii, Dina Tlau, Pathara Sailo, Lalrotluanga (Thiltitheia), Lalhruaitluanga Ralte, R Lalmalsawma, Chuauhnuna, Dr Para, R Ramhmangaiha, Dr Ramenga, Lalmuansanga Ralte, CH Thangkhuma, C Lalduhawmi, F Rualzakhuma leh Lalnghinglova Hmar-te thu ziak a chuang a, editor chu F Lalhuliana a ni.

VL Ringa hi 'Chenrang chawilai nite' tih lehkhabu, hnam sipaia an ṭanlai chanchin ngaihnawm taka lo ziak tawhtu a ni a, kum 2018, December 24 khan cancer natna vangin a boral a ni.

Lehkhabu hi Rs 100 man a ni a, LV Art, Chanmari-ah lei theihin a awm a, zuar chhawng duh tan - 9436146475 leh 9436146311 ah zawh fiah theih a ni.