Science & Environment ; US astronaut hmasa ber fanu 'space'-ah
US astronaut hmasa ber Alan Shepard fanu Laura Shepard Churchley chu Inrinni khan Jeff Bezos-a Blue Origin rocketship hmangin spcae-ah a inkap chhuak.
Inrinni khan Blue Origin commercial spacecraft hmangin mi paruk van boruakah an inkap chhuak a, minute 10 vel space-a hun an hman hnuah khawvel lamah an lo let leh a ni.
Inrinni-a inkap chhuak zingah hian NFL star ṭhin, Good Morning America anchor Michael Strahan pawh a tel. Kumin chhungin Blue Origin-in van boruaka mi a kah chhuah vawi thumna a ni tawh a, an Shepard rocket thara seat awm zawng zawng, seat ruk luah khat veka vana mi an kah chhuah vawi khatna a ni thung.
Ningania inkap chhuak tawh tur kha an ni zawk a, mahse thli a nat avangin an sawn hla a, Inrinni khan Van Horn, Texas aṭangin an inkap chhuak ta a ni.
Laura Shepard Churchley pa Alan Shepard hi kum 60 liam ta, May 5, 1961 khan Florida-a Cape Canaveral aṭangin space-ah a inkap chhuak a, kum 1971 khan Thla (Moon)-ah a lawm tawh bawk. Kum 1998 khan kum 74 mi niin a thi a, a fanu hi kum 74 mi niin vanah a inkap chhuak ve leh chiah bawk.