Fred Astaire lema chang tur Tom Holland

Fred Astaire biopic an chan turah Spider-Man star Tom Holland chu Fred Astaire lemah a chang dawn.

Tom Holland-a'n a lem a chan tur Fred Astaire hi actor, dancer, singer, choreographer, leh television presenter a ni bawk a, kum 1987 khan pneumonia vangin a thi a ni. Film history-ah chuan lam thiam ber niin an sawi ṭhin nghe nghe.

Kum 25 mi Holland hian hemi chungchang hi a sawi chiang tawh a, he film hi Sony siam tur niin 'Spider-Man: No Way Home' tihlarna hun an hmanaah thuthar thehdarhtute zawhna chhangin Holland chuan script pawh an peihfel vek tawh tih leh a la chhiar loh thu a sawi.

Producer Amy Pascal chuan hman deuh khan Astaire lema Tom a chan chak thu hi a lo sawi chhuak tawh a, hemi bakah hian Tom Holland hian Spider-Man lema chan a tum tawh loh thu lo sawi chhuak zuai tawh mah se Pascal chuan a la chan chhunzawm dawn thu pawh a lo sawi tawh bawk a ni.