Krismas Urlawk zaninah

Synfo leh Central Kristian Ṭhalai Pawl (KṬP) buatsaih 'Krismas Urlawk' chu zanin dar 7:30 hian neih a ni dawn a, Hruaina Eng leh Synod Information YouTube channel-ah Live-a pek chhuah a ni ang.

'Krismas Urlawk' live programme hi Golden Jubilee Hall, Mission Vengthlang Kohhranah neih a ni dawn a, House Band chu KṬP, Mission Vengthlang Branch member-te an ni dawn. Praise Group member-te pawh Mission Vengthlang Bial aṭangin an ni dawn bawk. Sound & Lights chu Wave Records-in an buaipui ang a, Pu Johny Ramthansanga, Bethlehem North Branch-in programme a kaihruai dawn a ni.

Inlan turte an ṭha dawn
Mizo Gospel singer ṭha ber ber- Jerry Lalrinawma, Lalrinzuala (Amtea), Melody Lalzirliani, Lawmi Khiangte bakah One in Christ-te an zai dawn.

KṬP, Mission Veng Branch-in rampum huap Faklam Intihsiak a buatsaih tuma pakhatna Ramthar Veng Branch-ten Faklam an entir bawk ang. Hei bakah hian Praise Group-te kaihhruaina-in Krismas hla hlim taka sak ho a ni dawn bawk a ni.

Synfo leh CKṬP hian Krismas Urlawk hi a hma pawhin a buatsaih tawh ṭhin a, kum 2018 leh 2020 khan buatsaih tawhin kumin hi an buatsaih ṭum thumna tur a ni. Live erawh chuan tunṭum hi an pek chhuahna hmasa ber tur a ni thung.