Mystical Mizoram Ṭhazual Gospel ; Hlimhlimi'n 'Malsawm ruahpui' a dawng
Mystical Mizoram Ṭhazual Gospel chart-ah Hlimhlimi 'Malsawm ruahpui' chu pakhatna a ni a, Maruati 'Khum ka nuam' chu pahnihna niin Jenn Ralte 'Beiseina' chu pathumna a ni.
Hlimhlimi'n 'Malsawm ruahpui' a dawng e
Thla khat vel chiah chiah liam taah khan Hlimhlimi chuan hun eng emaw chen ama puala music video a tihchhuah tawh loh hnuah music video belchian dawl tak 'Malsawm ruahpui' a tichhuak a, tunah chuan Ṭhazual Gospel Chart-ah pakhatna a ni der tawh.
Hlimhlimi hian 'Malsawm ruahpui' music video hi a uluk a, video chiah a uluk lo, a music pawh a 'class' rem rem hle a, video leh audio-in belhchian a dawl hle.
YouTube lamah nuai chuangin an thlir tawh a, spotify leh streaming platform dangah pawh stream a nei nual tawh a ni. 'Malsawm ruahpui' hi Hlimhlimi Mini Album title track kha a ni a, he a album pawh hi streaming platform hrang hrangah ngaihthlak theihin a awm tawh bawk.
'Malsawm ruahpui' hi chart hmasa lamah khan palina a ni a, tunah erawh pakhatnaah a rawn inhlangkai dawrh mai a, chart tihchhuah leh huna a dinhmun tur hriat a chakawm tawh viau.
Pahnihna Maruati, pathumna Jenn Ralte
Maruati pawhin ama hla phuah ngei thiam tak maia a sak 'Khum ka nuam' chu parukna aṭangin pahnihnaah a rawn invawrhpui a, chart tihchhuah leh hunah chuan dinhmun ṭha berah a ding thei tawh hial mai thei.
Pathumna chu Jenn Ralte hla thar 'Beiseina' kha a ni a, he hla pawh hian belhchian a dawl bawk a, a dinhmun a ṭha chak viau.
Chart-a lang dangte
Melody Lalzirliani 'Eng nge sual tifai thei ang' chu palina a ni a, K Ngaihliana (Valtea) chuan 'Zion-ah' hmangin top 5 a khar.
Thelma Lalhming-thangi 'Ka damna thisen' chu parukna niin Project Van in nuam 'Van in nuam' chu pasarihna a ni thung. Amosa Vocal Point, Stacy VL Muanpuii leh R Lalbiaksanga te pawh chart top 10-ah an lang a ni.
Ṭhazual Gospel top 10:-
1 Hlimhlimi Malsawm ruahpui
2 Maruati Khum ka nuam
3 Jenn Ralte Beiseina
4 Melody Lalzirliani Enge sual tifai thei ang
5 K Ngaihliana (Valtea) Zion-ah
6 Thelma Lalhmingthangi Ka damna thisen
7 Project Van in nuam Van in nuam
8 Amosa Vocal Point Bethlehem Arsi eng mawi ber
9 Stacy VL Muanpuii A sawm che
10 R. Lalbiaksanga I remruatna