Mizo Film Award 2021 Mipui vote-in 50% a keng dawn

December 18, 2021 (Inrinni) zana sem tur Mizo Film Award chu vote a thlak theih ta a, mipuiin an hlut tih a hriat a, vote pawh a tla ṭha thawkhat hle niin a buatsaihtute chuan an sawi.

Award dawng tur thlannaah hian mipui vote-in 50% mark a keng dawn a, a bak 50% chu endiktute kutah a awm thung dawn a ni.

December 9 khan award dawng thei tura thlan chhuahte hming hi puanzar a ni a, mipuiin an duhzawng an thlan theihna turin vote thlak theihna chhawpchhuah a ni. Nominee-te hi Mizo film industry-a hriat hlawh tak tak an ni bawk a, vote thlaktu pawh an ṭha hle niin organizer lam chuan an sawi.

Vote hi vawiin thleng hian a thlak theih dawn a, zanlai dar 12 thleng vote thlak theih a ni ang. Vote thlak theihna link hi Explore Mizoram website-ah leh Tlau Entertainment YouTube leh Facebook Page-ahte dahchhuah a ni.