BTS 'V'-a'n IG-ah world record pahnih a break

South Korean group lar BTS hian a group angin Guinness World Record an lo siam nual tawh a, tunah phei chuan mimal ang pawhin Guinness World Records break an awm ta.

Thawhṭanni mai khan Guinness World Records chuan BTS member V chuan social media record pahnih a break tih tarlangin, Instagram lama maktaduai khat leh maktaduai 10 follower nei rang ber a nih thu an tarlang.

BTS member-te hian December 6 khan anmahni pual Instagram account an siam hlawm a, account an siam chiah chu Army lamin awmngaihna an hre lo a nih kha. V account 'thv' hian minute 43 chhung lekin follower mtd a nei tling nghal a, darkar 4 leh minute 52-ah phei chuan follower mtd 10 a nei tling tawh hem mai!

V hian tunah hian follower mtd 25.8 chuang a nei tawh a, RM, Jin, Suga, J-Hope, Jimin, leh Jungkook-te pawhin follower mtd 20 chuang an nei vek tawh bawk.

BTS hian group ang pawhin Guinness World Record an siam nual tawh a, kuminah ringawt pawh an Billboard Hot 100 No. 1 single 'Butter' hmang khan YouTube lamah record eng emaw zat an siam a ni.