Vogue Australia kawmah Katy Perry

Katy Perry chu Vogue Australia chuan cover girl atan an hmang a, a sam chuan sawi zui a hlawh hle.

Katy Perry hian a thlak hi social media lamah a tarlang a, inhnialna a tam phah hle a ni. Magazine-ah hian amah an kawmna pawh tarlan a ni a, hun harsa a paltlang dan pawh chhiar tur a awm. Perry chuan, "Milar te hian en bik kan hlawh ṭhin a, demna leh selna pawh kan tawng nasa hle a ni. Dawt chiang banga min puh chang te pawh a awm ṭhin a, mahse chung chu in dal tir tur a ni lo" tiin, milar te nuna thil thleng a sawi chhuak.

Australian photographer lar Emma Summerton chuan Katy Perry hi thla a laksak a ni. Emma hi National Art School, Sydney aṭanga zir chhuak a ni a, magazine photographer lar ber pawl a ni. Vogue Australia bakah hian, Vogue Italia, W Magazine, i-D, American Vogue, Dazed & Confused, Self Service, Purple, 10 Magazine leh British Vogue-ahte photographer a ni mek.