Black Eyed Peas-in Vocalist thar nei rih dawn lo

American hip hop group Black Eyed Peas-a an khaipa ber Will.i.am chuan Fergie thlakna tur vocalist thar neih tumna an neih loh thu a sawi.

Black Eyed Peas hi an vocalist Fergie chuan nikum khan a chhuahsan a, tun thlengin a thlaktu an la nei leh lo. Hemi chungchangah hian Will chu a ṭawngchuak ve ta a, "Black Eyed Peas-ah hian Will.i.am, Apl.de.ap leh Taboo te an awm a, mi thar an mamawh rih lo. Member pathum te hian a ngaia kal rih an duh a, mi thar an zawng lo," tiin an band chungchang a sawi.

Will.i.am, Apl.de.ap leh Taboo te hian Fergie tel lo hian tour an nei mek a, November thla thleng a awh dawn a ni. Tour an neih mekah hian vocalist thar an neih dawn leh dawn lohah zawhna an dawng hnem hle a, Will.i.am pawh a ṭawngchhuak ta hial a ni.

American singer Nicole Scherzinger chu Black Eyed Peas-a Fergie hmun ruak luah tur anga sawi rik a ni fo a, mahse tun thleng chuan a la hlawhtling lo. Hetih rual hian Will.i.am ngei pawh hian a bandmate Taboo leh apl.de.ap te pawhin Nicole hi an ngaina hle tih a sawi tawh a, sawi zawm fo an ni a awm viau a ni.

Black Eyed Peas hian Fergie awm loh hnuah hla thar pakhat an tichhuak tawh a, kum sarih hnua a vawi khat nan January thla khan 'Street Living' an tichhuak a ni.