Environmental Photographer of the Year 2017 Vanlalrawna Sailo

Association for Environmental Pre­servation (ASEP) chuan nungcha leh ramsa thla la ṭhin, Vanlalrawna Sailo, Chanmari chu Environmental Photo­grapher of the Year 2017 a tan an thlang.

ASEP hian nimin chawhnu khan Political Adviser to Chief Minister Lalrinmawia Ralte kaihruaiin, a office-ah Environmental Photographer of the Year lawmman hlanna leh environment humhalhna kawnga thawk ṭhazualte chawimawina hun hi an buatsaih a ni.

Environmental Photographer of the Year 2017 hnenah hian chawimawina thuziak leh Rs.10,000/- an hlan a, ram­ngaw humhalh kawnga hna thawk ṭha te chawimawina hun hman a ni bawk.

Ramngaw siam leh humhalh kawnga thawhhlawk tak, kum tina thing ṭiak phun tur kui ṭiak ṭhin PC Lalrinzuala, Maite khua leh, Herhse Ngaw siamtu Lalthuama Sailo (fam), Chhippui khua te an chawimawi a ni.

ASEP hian Environmental Photo­grapher of the Year leh ramngaw hum­halh kawnga chawimawitlak chawi­mawina hun hi bautsaih zel an tum a ni.