Minecraft-in YouTube-ah 1 trillion views a nei tawh

Minecraft game hming hi chu kan hre ṭheuh tawh awm e. Khawvela game hralh kal ber zinga mi Minecraft chuan YouTube lamah thlirtu 1 trillion chuang a nei tawh a, video game-ah hetiang dinhmun thleng thei hmasa ber hi a ni.

He game hi nikum lamah pawh khan YouTube-a game khel lai miin an en nasat ber a lo ni tawh a, tunah phei chuan video game zinga YouTube lama thlirtu ngah ber a ni tawh.

1,000,000,000,000 views neih hi thil namai a ni loa, chu chu hriaiin YouTube lam pawhin Minecraft mellung pawimawh phum lawmna hun hi an buatsaih hial a, nimin lama YouTube hmangtute chuan YouTube logo danglam kha in lo chik chuan in hmuh a rinawm a, kha kha Minecraft-in hetiang zat viewer a neih an lawmpuina pakhat a nih kha.

He game hian thla khatah active user mtd 141 vel a nei a, nimin zingah khan Mojang Studios and YouTube chuan Minecraft mellung thar an phum chungchang hi an puangzar a ni.