Carolyn H. Lalvenmawii pual PUBG Mobile Exhibition match aṭangin Rs 90,000 hmu chhuak

Sangau nula, Fungsihchuah (Saisihchhuah)-a Mizoram leh Myamnar inrinaa ramri venga duty nunna chan ta Carolyn H. Lalvenmawii puala Mizo PUBG Mobile gamer, Mizo Professional Footballer leh inkhel.com website-te'n an buatsaih PUBG Mobile exhibition match aṭangin Rs 90,000 lai an hmu chhuak.

Carolyn H. Lalvenmawii pual PUBG Mobile Exhibition match hi June 14, Pathianni zan khan neih a ni a,  Mizo PUBG-M Clan ṭha zualte nen hame hnih khelin, hemi chhung hian online payment-in Lalvenmawii ralna tur sum hi Mizo mipuite'n an thawh khawm a ni. 

He exhibition match-ah hian Mizo PUBG Mobile team hrang hrang 24-te bulah Mizo Professional Footballer zinga PUBG Mobile khel ṭhinte chu insem darhin, Mizo Stream ṭha LZ Gaming chuan a host a, inkhel.com Facebook page-ah LIVE STREAM a nih bakah Bz-a (RiP Gaming) pawhin a YouTube-ah a lo thehdarh ve bawk.

Carolyn H. Lalvenmawii hi May 4-11 inkar khan ramriah a duty a, a damloh avangin in lamah hruai haw niin Malaria PV a vei tih hmuh chhuah a ni a, damdawi-in leh in lam enkawl zui a nih hnuah June 9 khan Sangau damdawi-inah a boral a ni.