Gaming News ; Android Game, PC lamah khelh theih dawn

Google chuan nakkum lamah hi chuan Android game ho chu PC-a khelh theih turin an ruahman dawn tih an sawi a, a hun tur tak erawh an la sawi chiang lo.

The Game Awards 2021 kar hmasaa semnaah hemi chungchang hi Google chuan puangzarin Windows lamah pawh Android game kan khel thei tawh dawn niawm tak a ni.

Hetih rual hian PC-a Android game khelh theih ngawr ngawr hi chu thil thar a ni lo. BlueStacks leh emulator dang hmangin kum eng emaw zat chhung chu Android game-te hi PC-ah gamer-te chuan an khel tawh reng tho a ni. Mahse Google Play lam hian standalone Games app thar hlak hmangin Android game-te chu PC lama khelh theih turin an siam dawn a nih hmel.

Google Games app thar an tlangzarh turah hian phone vela kan game khelh sa, kan save tawhte kha PC lamah kan chhunzawm thei dawn niin an sawi a, mahse chu app chu Windows 10 chin chunglamah chiah a hman theih dawn niin an sawi thung.