Stryper hla thar a hnai

Christian rock band Stryper chuan June 26 hian an album thar tura single hmasa ber an tichhuak dawn.

Stryper frontman Michael Sweet chuan hemi chungchang hi a Instagram-ah tarlangin an hla thar chu metal, powerful tak, tunlai bawk si leh nun thlak danglam thei a nih dawn thu a sawi. "Kan track record tawhah chuan a ṭha ber a ni hial ang, tlangzarh hun tur pawh hi tun aia hun ṭha hi a awm chuang lo," a ti.

An album thar hi kumin kum chawhnu lamah hian Frontiers Music Srl. kaltlangin tlangzarh an tum a, recording pawh an zo fel thawkhat tawh a ni. 'For God And Rock & Roll' pawh an album tharah hian an a tel dawn.

Nikum September khan Michael Sweet hian The Metal Voice hnenah kum 2018-a an tlangzarh 'God Damn Evil' chhunzawmna album an tihchhuah dawn thu hi a lo sawi tawh a, an album hnuhnung ber nen khan a inzul dawn hle niin a sawi bawk. Metal album a ni dawn a, pop-rock emaw glam metal emaw lam hawi pawh a ni dawn lo tih a lo sawi tawk tawh.

Stryper hi kum 37 liam taa indin tawh kha niin Christian metal band mainstream-a kal hmasa ber nia sawi an ni a, an band hming pawh hi Isaia 53:5 "Mahse, ani chuan kan bawhchhiatna avângin hliam a tuar a, Kan sual avânga sawisak a ni; Muanna kan neih theih nân hrem a tuar a, A vuak tuar chu kan tân damna tûr a lo ni" tih aṭanga an phuah a ni.