Box Office ; Mamma Mia ngam loh Equalizer 2

July 18-a tlangzarh musical/comedy film Mamma Mia! Here We Go Again chuan North American Box Office-ah ngam loh a tawng a, chu chu The Equalizer 2 a ni. Equalizer 2 hi July 20 khan tlangzarh a ni a, ni rei lo te chhungin $mtd 35.8 zet lalutin No.1 a hauh a ni.

Crime film Equalizer 2 hi a hma lawkin Mamma Mia tlangzarh a nih avangin a che ṭha tawk lo ang tih hlauhna a lian hle. Mahse thawm nei lian zawk a, Mamma Mia hi sum lakluh tam lamah khumin, dinhmun sang ber a luah ta zawk a ni. Hetih rual hian an sum lakluh erawh a inthlau lo hle.

American actress Meryl Streep, Amanda Seyfried leh Eng­lish actress Lily James te channa Mamma Mia 2 hian $mtd 34.4 thawk chhuakin pahnihna a hauh a ni. Tun ṭum Box Office-ah hian comedy film an che ṭha a, top 3-ah pahnih ngawt an lang. Hotel Transylvania 3: Summer Vacation chu sum lalut tam pathumna a ni. Ant-Man and the Wasp leh Incredibles 2 te chu top 5-ah an lang ve bawk.

Jurassic World
Thla hmasa lawka tlangzarh Juras­sic World: Fal­len Kingdom hi kumina film chhuak tawh zingah chuan hlawhtling ber te zinga mi a ni. He film siam nan hian $mtd 170 vel sen a ni a, a sum lakluh tawh zat erawh $tld 1.171 khat zet a tling tawh. Box Office-ah pawh hun rei tak chhung ro reltu a ni a, tun ṭumah pawh hian parukna a la hauh phak cheu a ni.

Beisei anga che ṭha tawk lo Skyscraper chuan $mtd 10.96 lalutin pasarihna a ni a, The First Purge chuan a dawt ve leh a ni. Top 10-ah hian Unfriended: Dark Web leh Sorry to Bother You te chu an lang ve bawk.

Box Office Top 10
1. The Equalizer 2 - $mtd 35.8
2. Mamma Mia! Here We Go Again - $mtd 34.4
3. Hotel Transylvania 3 - $mtd 23.2
4. Ant-Man and the Wasp - $mtd 16.1
5. Incredibles 2 - $mtd 11.5
6. Jurassic World: Fallen Kingdom - $mtd 11
7. Skyscraper - $mtd 10.96
8. The First Purge - $mtd 5
9. Unfriended: Dark Web - $mtd 3.5
10. Sorry to Bother You - $mtd 2.8