Miss World 2021 finale neih hun tur an sawn hla

Miss World 2021 finale chu contestant eng emaw zatin Covid-19 an kai tih hriat chhuah a nih hnuah sawn hlat a ni.

Ningani khan hemi chungchang hi puanzar niin finale an ṭan hma lawkin sawn hlat a ni a, ni 90 liam hmaa neih hman erawh an tum. Miss World 2021 hi José Miguel Agrelot Coliseum, San Juan, Puerto Rico-a neih tur a ni a, contestant-te pawh tunah hian Puerto Rico-ah an khung hrang mek niin an tarlang.

Miss World 2021-ah hian contestant 97 an awm a, chung zingah 17 lai chuan Covid-19 an kai a ni tih hriat chhuah niin, chung zingah chuan Miss India World Manasa Varanasi pawh a tel.