Nikon-in full-frame mirrorless Camera thar tichhuak leh dawn

Japanese camera ma­nu­facturer Nikon chuan full-frame mirror­less ca­me­ra thar tichhuah leh an tum thu Nilaini khan an puang.

Full-frame mirrorless camera tichhuah tur chung­chang hi sawi rik a lo ni fo tawh ṭhin a, company lam chuan an nemnghet ta a ni. Kum 2015 khan mirror­less camera, Nikon 1 J5 chu an lo tichhuak tawh a, a dang an buaipui ṭan leh mek a ni.

Tun ṭuma an tichhuah tur hi FX-format a ni dawn a, Nikkon lens a hman theih dawn a ni. Model tharah hian F-Mount adaptor pawh tih changtlun an tum a, F-Mount Nikkor lens hrang hrang a hman theih dawn a ni.

Nikon hian mirrorless camera hi model chi hnih an tichhuak dawn nia tar­lan a ni a, a model a la hriat loh thung. Pakhat hi 48-megapixel sensor a ni ang a, a dang leh chu 25-megapixel a ni ang. A man pawh a u viau dawn a, 48-megapixel hi Rs. 270,000 vel tura ngaih niin, 25-megapixel pawh hi Rs. 170,000 ai chuan a tlawm dawn lo.

Tun ṭuma full-frame mirrorless camera an tichhuah tur hi Nikon 1 series thlakna tur a ni.