Bollywood-ah Manushi Chhillar?

Miss World 2017, Ma­nushi Chhillar chu Bolly­wood-ah a hmel hmuh tur a awm hnai dawn niin media te chuan an tarlang.

Haryana nula hian Lon­don-ah chawlh a hmang a, hetih lai hian Bollywood-a lut tur anga sawi a awm mek. Manushi hian Miss World (2000) Pryanka Chopra leh Aishwarya Rai (1994) te hnung zuiin lem chan khawvel a luhchilh a nih pawhin a mak lo ang. Midang pawhin an hlawhtlinpui zui theih hi kum 21 mi Manushi Chhillar tan chuan kawng dik ni pawhin a lang a, chutih rual chuan thu chiang erawh a la awm lo thung.

Manushi Chhillar hi India-in kum 17 zet liam hnua Miss World a neih leh hmasak ber a ni a, a chanchin hi media lam pawhin an ngaihven hle a ni. Feet 5 leh inch 9 zeta sang a ni a, Bollywood bakah Hollywood thlenga dai thei turin mi tam tak chuan an ngai a ni. Zirlai a la nih a­vang­in a eizawnna tur lam a la tichiang lo tih erawh hriat tel a ṭha awm e.