2019 chawhma lamah GOT final season

Game of Thrones (GOT) ngai­na­tute tan chanchin lawmawm a awm leh ta a, final season chu kum 2019 chawhma lamah tihchhuah a ni dawn.

HBO programming president Casey Bloys chuan hemi chung­chang hi tun hnai khan a puang a, chhuah ṭan tur hun tak erawh a la hriat loh a ni. Hetih lai hian season riatna leh a tawpna ni tawh tur hi nakkum April thla khian tichhuah a ni dawn niin tarlan a lo ni tawh a, hei erawh Casey hian a sawi chaing rih lo thung.

Final season-ah hian episode ruk a awm dawn a, Kit Harington, Emilia Clarke leh Peter Dinklage te hmel hmuh tur a awm leh dawn avangin fan te tan chuan a phurawm leh zual ang.

GOT hi tunlai TV serial zingah chuan ngaihven hlawh ber pawl a ni a, a chhuah hun tur pawh hi an inrinsiak nasa hle a ni.