Mood Station MV thar 'Na rawn tuar rawh'

Mizo rock band ṭha ber zinga mi Mood Station chuan music video thar 'Na rawn tuar rawh' an tichhuak.

Mood Station music video tharah hian Jowai lama December 8-a show an neihna footage hrang hrang hmuh tur a awm a, he hla hi an album pahnihna tur 'Zopunk Culture' aṭanga an single tihchhuah a ni bawk. Zonet lamah kar hmasa lamah khan he music video hi tihchhuah tawh niin MS YouTube channel lamah pawh an dah chhuak tawh a ni.

"Miin nalh min ti lo ang a, min ngai fel lo ang a etc., chutiangah chuan kan buai a, miin min thlir dan tur laiah chauh kan buai ṭhin.

"Tih tak takna nun nei la, zuang lawr lo ila, mahni tihdan/ngaihdan ngaipawimawh ber la , awlsam zawng lo la, harsatna pal tlang zawk rawh. Nangmah ni la, chapo lo la, mi zawng zawng tih lawm tum lo la, ṭawngthu chhe loah pawh ni tawh loin kan la thi dawn. Eng nge kan hnutchhiah ve dawn le?," tiin Mood Station vocalist Ṭpa chuan an hla thar chungchang hi a sawi.