Champhai audition-ah mi 14 an tling ; Zanin aṭangin Serchhip-ah

Zonet buatsaih Mizo Idol 2018 thlana chu July 25 zan aṭang khan ṭan a ni a, District hrang hrangah audition neih chhoh mek a ni. Audition neih hmasak berna Champhai-ah chuan mi 56-in intihsiak an hmachhawn a, mi 14 tlingin, second round lutsa pakhat a awm bawk. Zanin aṭang hian Serchhip-ah audition hi neih a ni ve leh dawn a, Thawhṭan zan aṭangin Lunglei lamah neih a ni ve leh ang.

Mizo Idol season 6-ah hian tel an ṭhahnem hle a, a boruak pawh a hot ṭan hle. Kum danga la tih ngai loh angin District tinah audition kalpui a ni mek a, Champhai-ah bik chuan zawh fel a ni der tawh. Champhai audition hi zan hnih neih niin, a tawpah result khaikhawm a ni. Zonet Zawlbuk-ah live-a pekchhuah ṭhin a ni.

District audition-ah hian judge ṭha takin endik hna an thawk dawn a, district tinah a hrang zel ruat an ni. Champhai-ah bik hian rimawi lama sulhnu nei ṭha tak Jerome Hauzel bakah, CD Ngurkunga leh Lalrammawii te chuan endik hna hi an thawk a ni.

Serchhip lamah aw
Mizorama District laili ber Serchhip-ah chuan Mizo Idol season 6, final round-a inlan tur zawnna hi zanin aṭang hian neih a ni dawn a, mi 27 an inlan dawn. Serchhip district hi zaithiam eng emaw zat lo chhuah tawhna a nih avangin kuminah pawh hian beiseina a sang hle a, zaithiam ṭha tak tak an inlar ngei a rinawm.

Audition neih tur hi an khaw nula Lancy Remlalhruaii chuan a host dawn a, hei vang ringawt pawh hian a boruak hi a host zual hle ang. Lancy-i hian audition zawng zawng hi a host vek dawn a ni.